مشاكل الحب , مشاكل المخطوبين , هنا موضوع حل المشاكل , إعرض مشكلتك وهتلاقيلها حل إن شاء الله ...!

انا قولت أعمل الموضوع ده لأن في ناس كتير أوى نفسهم يلاقوا حل لـمشاكلهم وعايزين يتكلموا ومش لاقيين حد يفضفوا معاه ..

إنت أو إنتي - عندكوا مشكلة - إكتبوها هنا - وهتلاقولها حل ان شاء الله مهما كانت ..

وماتخافوش [ سركم في زييييير ]

انا هحكيلكم عـ المشكلة دي واللي منتشرة أوى اليومين دول واللي كانت بتحصل معايا انا شخصياً .

نخش في الموضوع علطول

والله يا جماعة انا ملاحظ ان معظم الناس دلوقتي في مشاكل كتير ما بينهم بدون اي سبب ..

سواء بيحبوا بعض او مخطوبين ..

اما المشاكل الزوجية دي حاجة تاني خالص ..

خلونا دلوقتي في اللي بيحبوا بعض واللي مخطوبين ..

سؤال من القلب للقلب ..

أوقات ومش دايماً : بتتخانقوا كده وزهقانين ومش عارفين ايه السبب ...؟!

صح ..!



والله هي حاجة واحده دلوقتي وبقت لغة العصر ..

[ الكلام الكتير ]

دلوقتي انتو اتكلمتوا في كل حاجة ..

وقولتوا كل حاجة ..

والكلام كله إتقال ..

فـ بالتالي مش عارفين تتكلموا في ايه ..

ومش لاقيين كلام ومش لاقيين مواضيع ومش لاقيين حاجة تقولوها ..

اللي بتناموا فيه بتصبحوا عليه ..

بتلاقوا ان الحياة مملة , مفيهاش جديد ..

اقولكم ايه الحل ..!

الحل دلوقتي انكم تخفوا مكالمات شوية ..!

مش معني كده اني بقول انكم ما تتكلموش خالص , لا ...

يعني الاول كنت انت او هي بتتصلوا ببعض وما بتكونوش عايزين تقفلوا وبتتكلموا في كل حاجة ..

دلوقتي مثلا اتقلوا شوية علي بعض ..

خلوها كإطمئنان مثلا ..

إزيك عاملة ايه , إزيك عامل ايه ..

وقضوها ميسدات شوية ..

علي أساس , يبقي في شوية إشتياق مثلا ..

توحشيه , ويوحشك ..

فـ بالتالي هتلاقوا بعد كده المواضيع بتيجي لواحدها ومش هتلاقوا اي زهق ..

وإحسبوها كـ توفير شوية ..

ده للمخطوبين طبعاً

وإنشاء الله كل حاجة هتبقي تمام ..

والله المشكلة دي انا ذات نفسي كنت واقع فيها واتحلت الحمد لله ..

فـ قولت اعرف الناس , لـعل وعسي يكونوا واقعين في نفس المشكلة ومش حاسين بيها ..


وعلي فكرة انا عايز أقول كلمة لكل إثنين بيحبوا بعض بجد ..

الحب ده أجمل حاجة في الحياة ..

والأجمل انك تلاقي نفسك بتتغير بجد علشان اللي بتحبه ..

وتلاقي نفسك بتضحي بكل حاجة علشانه ..

لو بتقرا كلامي دلوقتي ..

إتصل بـ حبيبتك أو إتصلي بـ حبيبك ..

مفيهاش حاجة يعني ..

دي دقيقة المحمول بقت أرخص من كيس الفووول ..

وقولي أو قول [ بحبك ] ..

والله يا جدعان دي كلمة جميلة أوى ..


أسف للإطالة ..

مستني ردودكم واللي عندها او اللي عنده مشكلة زي ما قولت ..

يكتبها هنا وهتلاقوا حل لكل مشكلة إن شاء الله ..

وتقبلوا فائق الإحترام والتقدير ..