الزامر________الزامر_______الزامر

عند التوته وشجر التين
بص الناي شمال ويمين
ولما إتأكد إنه لوحده
هز كياني بلحن حزين
لحن لحزنه بكيت عيني
وسال دمعي علي الخدين
حكالي الناي حكايه غريبه
حكايه تخلي الشعر يشيب
حدوتة قلب عاش مجروح
ولا لقاش لجرحه طبيب
قدام عينيه ليلاتي بينزف
ولاحدش كان منه قريب
عاش العمر كاتم سره
ومعرفهوش حتي حبيب
بصتله وقولت سر إيه
يارات تقولي إحكيلي عليه
عايز أحس إني معاك
أعرف بجد إيه جواك
ولا أنا مش صاحب واثق فيه
ضحكلي وقالي عايز تسمع
يمكن كلامي معاك ينفع
طقطقلي ودنك وخليك معايا
خلاص هنبدأ سوي الحكايه
حكايتي يعرفها كل رجل
عرف الحب سكته
خطفت قلبي بنظرة عينها
ومن جوه صدري شدته
وحلفت شفايفها عليه وقالت
هخرجه من جنته
هخليه في إيدي عجينه طريه
واحرم ليه وحدته
وأنا بسرعه روحت مسلم
مكنش لسه قلبي إتعلم
ضحي عشانه حقيقي كتير
ومخدش حتي ديته
ويوم ورا يوم حبي بيكبر
والمشاعر جواي بتكتر
وكان هوي ناوي علي الخيانه
حتي الرحمه علي إستكتر
إتملك مني كمان وكمان
خلاني أحس بالأمان
كان بيحلفلي إنه معايا
نفسه يقدم روحه فدايً
تبقي نهايتي انا علي إيده
مكنتش للحظه في يوم أتصور
آدي يا سيدي أخرة حبي
انا غلطان والذنب ذنبي
خدرت عقلي وصدقت قلبي
مفكرتش أبدا في المستخبي
وعند هنا والحال إتغير
صوت الناي إبتدي يتغير
صوت انين صوت مكتوم
وختم كلامه بحكمه جميله
ربنا بس للمظلوم
ومسح دمعوعه بكف إيديه
نزل حمل تقيل عليه
شاله في قلبه سنسن وسنين
بس خلاص منه إرتاح
ورجع تاني يكمل لحنه
زي البلبل الصداح