أرجع أحبها ولا اكتفي بجرحها؟

بسم الله الرحمن الرحيم

انا سعيد جداً انى الاقي قسم زى دا الواحد يفضفض فيه عن حاجات جواه مش قادر يخرجها لحد

انا هختصر الموضوع بسرعه بس اتمنى حد يرد رد مقنع

انا لما كنت فى 3ثانوى حبيت بنت فى 3 اعدادي حبتها حب جامد اوى

مرت الايام ودخلت الجامعه واقسم بالله انى طول فترة اولى وتانيه كليه انى من حبي ليها وخوفي انى اكون خنتها

كنت بقعد فى مكان بعيد عن مكان البنات وكنت بتلاشى انى اتصاحب على اى بنت لانى عارف الحكايات بتتطور

هتستغربوا من كلامي وهتقولوا دا مش طبيعي بس والله دا الى حصل

مكتش بكلم اى بنت غير دي وكنت بعتبرها خطبتى

وجرحت بنات كتير بسبب حبي ليها وكانت اى بنت احس انها هتدخل ف الحب كنت ببعد عنها

وحاجات كتير عملتها تدل على اخلاصي بس عشان مزهقش حد مش هحكي

وبعد دا كلو

اجى بعد فتره اكلمها تقلى انسى الى فات واعتبر اننا منعرفش بعض

واقول ايه السبب

تقلى انتا انتغيرت حبيت بنت معاك ف الكلية وفى شحص معين الى

وصلها الكلام دا والشخص دا بيحبها وحاول كتير يوقع بينا وفعلا قدر يوقع بس طبعا دا كدب لانى اصلا مبكلمش حد


حاولت اقنعها ومقتنعتش وسبنا بعض بس هيه حالياً عرفت ان الكلام داكدب

بس الى انا بحبها دى مبشفهاش دايما وغالباً ف المناسبات بشوفها لاننا قرايب

دلوقتى احنا متفارقين وفاتت سنه

لما بقيت اشوفها حسيت بنظراتها ليا واعز صديقه ليها قالتلى اكلمها تانى لكنى رافض لانها جرحتنى وقالتلى انسى

بس انا كنت بحبها أوي ولما سابتني حالي اتغير

لانى دلوقتى بعد لما كنت مبكلمش اى بنت دلوقتي والله العظيم

زى ما بيقولوا كدا بكلم طوب الأرض بس مش حب

بقيت اكلم اى بنت واتعرف على اى بنت سواء موبايل او انترنت

ومبقتش اعترف بالحب لانى عملت حاجات كتير واخصلت بجد بس ملقتش اخلاص ليا

خصوصا انى سمعت كمان انها حبت شخص بس لانى كنت بحبها رميت كل حاجه ورا ظهري

بعد محمد الى كان ملوش غير قلب واحد سلمه كل ما يملك دلوقتى ضاع ومبقاش يعترف بحاجه اسمها حب

لان كلها كدابه وفترة وبتعدي وف الاخر هنقول زكريات كدابه وحكايات كدابه

بس انا دلوقتى محتار أدوس على كرامتي وارجع اكلمها تانى خصوصا انى حاسس بقبول منها

ولا احاول على اد ما اقدر انساها لانها جرحتنى

بس انا لحد دلوقتى ماشي على الاساس دا انها خلاص مبقتش حتة منى

بجد انا محتار جدا ومحتاج حد يدلنى على الصح

بعترف انى لسه بحبها بس موافق عقلى انى مرجعش تانى

اسف على التطويل يا جماعه اتمنى مكنش زهقت حد منى

تحياتى لكم جميعاً