البتاع ___________البتاع ________البتاع -----------

ياللى فتحت البتاع
فتحك على مقفول
لان اصل البتاع
واصل على موصول
ف اى شى فى البتاع
الناس تشوف على طول
والناس تموت فى البتاع
فيبقى مين مسئول؟
وازاى حتفتح بتاع
فى وسط ناس بتقول
بان هذا البتاع
جاب الخراب بالطول
لانة حتة بتاع
جاهل غبى مخبول
امر بفتح البتاع
لانة كان مسطول
وبعد فتح البتاع
جابوا الهوا المنقول
نكش عشوش البتاع
وهد كل اصول
وفات فى غيط البتاع
قام سمم المحصول
وخلى لون البتاع
اصفر حزين مكبول
وساد قانون البتاع
ولا علة ولا معلول
والقاضى تبع البتاع
والحق ع المقتول
والجهل زاد فى البتاع
ولا مقرى ولا منقول
والخوف سرح فى البتاع
وقال دى ياما فصول
يبقى البتاع فى البتاع
والناس صايبها زهول
وان حد قال دا البتاع
يقولوالة مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
ادى اللى جابوا البتاع
جابوا الخراب مشمول
لان حتة بتاع
مخلب لراس الغول
باع البتاع بالبتاع
وعشان يعيش على طول
عين حرس للبتاع
وبرضة مات مقتول
للشاعر/ احمد فؤاد نجم